❑ 玄關巧思 ｜ 隱藏式全身鏡

玄關櫃同樣心思滿分，特別加入隱藏式全身鏡設計。出門前著衫配搭，一鏡到底，無需另外擺放鏡子浪費空間，外觀維持簡潔線條，細節位見質感。

​

❑ 客廳亮點 ｜ 極致利用每寸空間

今次設計最精彩嘅莫過於客廳呢組訂製拐角電視櫃！設計師將櫃體順著牆角延伸至走廊位置，一體化設計令客廳視覺更整齊闊落。櫃體提供極大儲物空間，輕鬆收納屋企雜物。仲有實用功能，逢年過節屋企人多客滿，即刻變身臨時座位，客人有得坐，屋企又唔會迫夾夾！