❑ 高雅定調｜米白 × 深木 低調奢華感

全屋以米白底色 + 深木色飾面為主調，柔和中帶沉穩氣質。玄關特別選用六邊形地磚拼接，層次感瞬間提升，一入屋就有儀式感。無論客廳、飯廳定睡房，都貫徹「簡約不簡單」嘅設計，低調中滲出精緻質感。

​

❑ 空間變陣｜隱藏趟門 × 櫃間房 靈活運用

飯廳嘅全身玻璃展示櫃，背面其實係細房嘅櫃間房，一櫃兩用，節省空間之餘又保持通透感。廚房特別做咗米白 + 深木色拼接趟門，收埋之後好似隱藏咗一樣，令客廳視覺更開揚，完全唔會覺得細屋侷促~

​

❑ 客廳心思｜梳化背景牆 × 一字型吊燈 拉長空間

客廳梳化背景牆用米白底版 + 深木色底板拼接，再加上掛牆小燈點綴，溫暖燈光營造舒適氣氛。吊燈選用簡約一字型設計，視覺上拉長成個廳嘅空間，令 391 呎都有大屋感，睇劇傾計都特別放鬆。

​

❑ 廚房精緻｜灰白磚 × 深木櫃 乾淨俐落

廚房選用白色長磚 + 深木色櫃門，乾淨明亮又有質感。枱面用耐污易清嘅石質材料，配合黑龍頭同嵌入式電器，整體俐落又實用，煮飯都變成一種享受~