呢個單位未裝修前真係「雜物堆疊 + 空間浪費」，房間細到連書枱都要「擠住擺」～而家經過我哋嘅「空間魔術」，客廳做一體櫃 + 開放格，一邊擺電視一邊擺雜物！

​

廚房做咗U 形櫃，吊櫃 + 地櫃做到頂，開放式層板擺微波爐、空氣炸鍋，檯面留大面積煮食空間，香港潮濕天氣都唔怕積塵；燈帶設計夜晚煮飯夠光，煮飯唔使周圍走

​

主人房床框做咗抽櫃+油壓式，平時唔常用嘅被鋪、枕頭可以塞入去，床頭仲做咗軟包靠背，返工返到攰，坐喺床度睇劇都舒服！床底櫃仲有埋貓貓專屬嘅睡房～

​

細房衣櫃做到頂，內部分層做咗「短衫格 + 長衫格 + 收納盒層」，門板同牆身色系一致，視覺上仲覺得空間闊咗！